居住在长崎县的特派员情报

ながさき文化体験講座-料亭 青柳

15Dec 2017 melodyyeung9710

皆さん、こんばんは。楊巧琳です。ここで繁体字の投稿は少ないですね~でもやっぱりそれこそ香港の言葉ですから~


 

今日參加長崎食文化體驗活動,去左丸町既料亭 青柳。 料亭係高級傳統日本料理餐廳,提供包廂,藝妓表演,主要舉辦婚宴及其他隆重既宴會(通常都 非 常 貴 )
料亭 青柳係長崎已經有約130年歷史,經歷過原爆依然屹立不倒,作為高級料理餐廳繼續經營。我地一共28人,係門口除鞋後被帶到一個容納6張圓檯既和式包廂,地板都鋪住榻榻米,只有座墊無凳坐。
本來以為只係試食傳統卓袱料理(しっぽくりょうり),結果是睇藝妓表演同食便當😂
不過便當份量足,而且配菜都好精緻

 

 
最印象深刻既係左上格用藍白瓷碗裝住既糯米糰子,第一眼睇以為係蛋😐然後嘗試分開佢既時候戳極都戳唔開😂一番暴力碾開先發現係糯米皮,包住肉碎,配上周圍既蟹肉汁~口感好特別,令我唸起新年團年飯食既鹹湯圓…

 

 

 

另外右上格大部分都係從未見過既,最上面霖左醬既綠色長方形係麵筋,左上果碗係甜既豆,黑色捲著橙色既係海帶三文魚卷……一盒便當濃縮左好多特色食品,仲有前菜(沙律),湯同飯後水果(梨同柿子),最最重要係一邊食一邊可以欣賞藝妓歌舞表演。

 

 

 

係長崎,藝妓通常被稱為芸子(げいこ),穿著和服係宴會上表演舞蹈、歌曲助興,拉近參加者之間既距離,促成宴會間既談話、合作。
呢次藝妓表演有舞蹈以及三味線(しゃみせん)演奏,三味線源自中國彈撥樂器「三弦」,以手掌大既銀杏形既撥彈奏,通常負責音樂既藝妓會邊彈邊唱,而負責舞蹈的藝妓會用扇、絲巾、鈴鼓等物件配合舞蹈。跳完一曲後,舞蹈的藝妓會退到屏風後,等待觀眾嗌encore…長崎話黎講係「しょもやれ」,請佢再次出場。臨近尾聲仲叫在座幾位留學生一齊跳/打鼓伴奏…食花生既我當然係一路影相一路笑😂

 

    

 

 

雖然拍攝技術差,但都希望幫忙推廣一下長崎既料亭(好似因為價格問題越來越式微),有機會既話到日本試下傳統高級餐廳既服務,無論係料理定表演都係值得嘗試既新奇體驗。